Entroido Galego

Sí, estamos eiquí outra vez!!Internet é...innecesario...deberíamos voltar ás cavernas ou algo así...o progreso este...ao finall non serve pra ATOPAR ALGO TAN SINXELO COMO A MÚSICA DO ENTROIDO...así que vos deixamos unha introdución sobre o entroido galego etc...


O mellor que podedes facer é irvos ata Verín ou Xinzo(eu estiven e vale a pena)ou achegádevos ata a praza de Ultramar que queda mais preto a ver como destrozan as melodías tradicionais...ha,ha,aha...


O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e paganos, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. É, sen dúbida, a festa máis irreverente do calendario galego. Foi por iso que se prohibiu durante a época franquista, malia que se mantivo vivo nas aldeas.

Os entroidos máis famosos do país son, sen dúbida, os ourensáns. Laza, Verín e Xinzo convértense por uns días nas capitais de Galicia. Os peliqueiros e cigarróns centran a atención dos visitantes, pero a dúbida asalta ao preguntármonos pola súa orixe: hai quen di que veñen dos cobradores de tributos dos condes de Monterrei, que posuían unha zamarra coa que castigaban aos morosos que non pagasen a tempo. Sen embargo, tanto Vicente Risco coma Bouza Brey viron neles unha orixe moito máis antiga. Risco cría que proviña das asociacións segredas primitivas ou de ritos sagrados e Bouza supón que as súas orixes pertencen á prehistoria, coma unha evolución de vellas cerimonias tribais.